حرمان عدد كبير من الطلبة من المنحة
حشومة وعيب وعار
حرمان عدد كبير من الطلبة من المنحة هاد السنة الجامعية بزاف ديال الناس تصدمو ماجبروش الاسماء فلوائح المقبولين بالنسبة لمنحة التعليم العالي، وبالرغم من ان هاد الناس ضروفهم المعيشية صعيبة ومدخولهم السنوي ناقص بزاف، ومن بعد ماكتصدم الانسان بعدم وجود اسمه فاللاوائح الموجودة فمقر عمالات الممكلة، يتم ارسالك لتقديم شكاية او الاستفسار في مكتب المنح الموجود بمقر العمالة نفسه، الغريب فالامر وهو من بعد ماكتدخل لمكتب المكلف بالمنح الجامعية ولي هو مكتب مكيف ونقي، وكتسقصيه على سبب حرمانك من المنحة كيوجهك لتقديم شكاية، ومن بعد ماكتسقصيه على المعايير لي اعتمداتها الوزارة هاد السنة كشرط للاستفادة من المنحة، كجاوبك والابتسامة ظاهرة على محيى وجهه، بلي معيار وحيد وهو الوزارة قالت ليهم لي كيفوت فالمجموع ديال الدخل السنوي للاب والام معا، اييه بجوجهم ، لي كيفوت 12 الف درهم مامنحقوش المنحة، غادي تسمع المبلغ وغاتعاود تسقصي شحال غادي يجاوبك 12 الف درهم سنويا…. 12 الف درهم سنويا الى قسمتيها على 12 شهر، غاتجيك 1000 درهم لشهر، اييه 1000 درهم لشهر، وزارة التعليم العالي هاد السنة اعتبرات اي واحد كيشبر كتر من 1000 درهم شهريا فهو ميسور وغني لا يتسحق المنحة، وزارة التعليم العالي طبقات نظرية زميلتهم فوزارة الاسرة والتضامن والمساواة والتنمية الاجتماعية، ولي فايت للوزيرة بسيمة الحقاوي صرحات ان اي واحد كيتخلص 20 درهم يوميا فهو خارج دائرة الفقر ولباس عليه…
نقلا عن رأي
Disqus comments